Free fire me guild kaise banaye? Hello friend mera name hai Narendra or aaj me aapko batane wala hum ki aap kis prakar se free fire me ek bahut hi achi guild bana sakte hai or usme ache se ache players ko add bhi kar sakte hai.
Agar aapko free fire khelna kaafi jyada pasand hai to jahir si baat hai aapke bhi man me yah khyaal jarur aaya hoga ki free fire me guild kaise banaye. Agar aapko guild banana nahi aata yaa fir aapko kisi bhi prakar ki samasya aa rahi hai to aap hamare is post ko dhyaan purwar read kariye yhan hum aapke sabhi sawalo ke jawab de denge.
Free fire me guild kya hota hai
Free fire me guild ka matlab ek prakar ki team se hota hai jisme aap 50 players ko add kar sakte hai or sath hi aap unke sath game bhi khel sakte hai yah ek prakar ki team hoti hai or iske andar aap apne hisab se players ko jod ya nikal sakte hai.
Guild ka matlab ek esi team se hota hai jiske andar aap 50 players ko ek sath rakh sakte hai or yah players aapke sath game khel kar Dog Tag ko badhate hai jisse aapko har Shaniwar ko ek custom card free me milta hai yadi aapko yah nahi pta ki custom card kya hota hai to aap hamari yah post padh sakte hai jiske andar humne details se bataya hai ki custom card ka kya istemal hota hai.
Ab mujhe lagta hai ki aap samajh gye honge free fire me guild kya hota hai. Ab hum aapko yah batayenge ki aap kis prakar se kisi bhi guild ko sirf 5 minute ke andar kaise bana sakte hai or apne manpasand players ko isme kaise add kar sakte hai.
Free fire me guild kaise banaye
Dosto sabse jaruri baat yah hai ki free fire me guild banane ke liye aapke pass kam se kam 5000 coins hona chahiye yhan par hum diamonds ki baat nahi kar rahe hai. Aapko game khelne par jo free me coins milte hai wah aapki id me hona chahiye tabhi aap guild ko bana sakte hai yadi aapki id ke andar 5000 coins nahi hai to sabse pahle aap thode din game ko or khel le or yadi aapki id me 5000 coins ya usse bhi jyada hai to aap aasani se apni man pasand guild bana sakte hai.
Agar aapko yah nahi malum ki coins kaise badhate hai to uske baare me hum aapko thoda bahut bata dete hai. Dosto yadi aapko coins ko badhana hai to aapko games ko jyada se jyada khelna hai or saare rewards ko claim karna hai yadi aap 10 din bhi free fire ko khel lete hai to aapke pass 5000 se bhi jyada coins ho jayegi or aap guild ko aasani se bana sakenge. Ab me aapko bataunga ki aapko free fire me guild kaise banani hai aap in sabhi steps ko follow kijiye.
Step number 1
Dosto sabse pahle aapko apne game ko open kar lena hai or fir me jaise jaise aapko bata rha hun same aapko usi prakar se sab settings ko karna hai taaki aap bahut hi achi tarike se guild ko bana sake. Game ko open karne ke baad aapke right side me 4th number par aapko guild ka ek option dikhai dega aapko uss option par click kar dena hai jaisa ki aap screenshot me dekh sakte hai or samajh sakte hai.
Step number 2
Aap jaise hi guild wale option par click karenge aapke samne bahut saari guild ka option aa jayega lekin yadi aapne pahle se kisi or guild ko join kar rakha hai to sabse pahle aapko uss guild ko leave karna hoga taaki aap apni khud ki guild ko bana sake. Yadi aapne kisi bhi prakar ki guild ko join nahi kar rakha hai to aapko niche create guild par click kar dena hai jaisa ki aap image me dekh sakte hai.
Step number 3
Jaise hi aap create guild par click karenge aapke samne ek box open ho jayega jhan par aapko Guild ka name, Region, style, Approval method, Lv, rank, slogan wagerah add karna hai.
Aapko name ke andar apna man pasand name ko add karna hai yadi aap stylish name rakhna chahte hai to abhi isko chod de or iss article ko pura padh le hum aage batayenge ki aapko guild ka stylish name kaise rakhna hai.
Region ke andar aapko default hi rahne dena hai or style ke andar bhi aapko default hi rahne dena hai.
Approval method aap khud se choose kar sakte hai ki aapko auto rakhna hai ya approval.
Lv matlab kitne level ke players ko aap guild me lena chahte hai uss hisab se aap isko bhi set kar le.
Rank matlab aap kitni rank wale players ko guild me add karna chahte hai usko yhan se select kar le.
Slogan me aap apne hisab se kuch bhi discription likh sakte hai. Mera matlab hai aap slogan me apne baare me yaa fir guild ke baare me likh sakte hai jaise ki – Yah guild humne entertainment purpose ke liye banai hai.
Step number 4
Yah sab settings complete kar lena ke baad aapko niche ki taraf 2 option dikhai degi. Diamonds or coins aapko 5000 coins par click karke guild ko create kar lena hai.
Yadi aapne abhi tak guild ka name nahi daala hai to ab aapko guild ka stylish name rakhna hai uske liye aapko in sabhi steps ko follow karna hoga taaki aap ache se samajh sake.
Free fire me guild ka stylish name.
- Sabse pahle aapko apne browser ko open kar lena hai or uske baad aapko Google ke search box me NickFinder likhkar search kar dena hai aap iske upar click karke bhi jaa sakte hai.
- Ab aapko is website ke search box me apna man pasand name dalna hai jo aap guild ke liye rakhna chahte hai.
- Jaise hi aap isme apna man pasand name ko add karenge aapko yah website uss name ke bahut saare stylish name banakar de degi aapko jo bhi font pasand aa rha ho aap usko copy kar le or uske baad aapko apni guild ke name me jakar uss name ko add kar dena hai.
Name add ho jane ke baad aap 5000 coins par click karke guild ko save kar de. Congratulations aapki guild banakar taiyaar ho chuki hai ab aapko iss guild me players ko add karna hai uske liye aapko iss artical ko thoda saa or pahna padega.
Guild me players ko kaise add kare.
Guild me players ko add karna kaafi aasan kam hota hai agar aap apne kisi dost ko add karna chahte hai to aap apni guild ka number usko de sakte hai taaki wah aapki guild ko search karke request bhej sake ab aapko usko aasani se guild me le lena hai.
Guild me dusre players ko add karne ke liye aapko apni friend list me chale jana hai or whan par jakar aapko unki id par click karke guild invitation send kar dena hai aapne jisko bhi invite bheja hai uski id me usko mail box me invitation milega aapki guild me aane ka agar wah right kar deta hai to wah aapki guild me aa jayega.
Guild me 3 prakar ke main players hote hai. 1 guild leader. 2 acting guild leader. 3 officers. Yah teeno kisi ko bhi guild me le sakte hai or kisi bhi player ko guild se remove kar sakte hai. Yah teeno guild ko manage karne kaa kam karte hai or ache – ache players ko add karne ki koshish karte hai. Agar aapko kisi player ka gameplay kaafi acha lagta hai to aap usse baat karke usko guild me bula sakte hai or wah bhi aapko mana nahi karega.
Aakhri baat-
To dosto aaj humne sikha ki Free fire me guild kaise banaye. Agar aapko hamare dwara di gyi jankari usefull lagi to aap isko apne dosto ke sath share kar sakte hai or sath hi yadi aapne man me kuch or sawal hai tab bhi aap hume comment kar sakte hai. Post padhne ke liye shukriya.
